بے شک ہم نے آپ کو کوثر دی

(اے محمدﷺ) ہم نے تم کو کوثر عطا فرمائی ہے

بے شک ہم نے آپ کو کوثر عطا کیا ہے

یقیناً ہم نے تجھے (حوض) کوﺛر (اور بہت کچھ) دیا ہے

اے محبوب! بیشک ہم نے تمہیں بے شمار خوبیاں عطا فرمائیں

(اے نبیؐ) ہم نے تمہیں کوثر عطا کر دیا

(اے رسول(ص)) ہم نے آپ(ص) کو کوثر عطا کی ہے۔

بیشک ہم نے آپ کو (ہر خیر و فضیلت میں) بے انتہا کثرت بخشی ہے٭، ٭ کوثر سے مراد حوضِ کوثر یا نہرِ جنت بھی ہے اور قرآن اور نبوت و حکمت بھی، فضائل و معجزات کی کثرت یا اصحاب و اتباع اور امت کی کثرت بھی مراد لی گئی ہے۔ رفعتِ ذکر اور خلقِ عظیم بھی مراد ہے اور دنیا و آخرت کی نعمتیں بھی، نصرتِ الٰہیہ اور کثرتِ فتوحات بھی مراد ہیں اور روزِ قیامت مقامِ محمود اور شفاعتِ عظمیٰ بھی مراد لی گئی ہے۔